Hvað er málið með þetta ógeðslega veður!??!?!

Ég held ég sé bara lögst í dvala, mun ekki koma út fyrr en það hættir að vera rigning og rok!

Það er nú varla hægt að segja að ég hafi verið dugleg að skrifa á þessa síðu mína seinustu mánuði. Þrátt fyrir það er frá ýmsu að segja.
Í kringum mig eru allir að verða fullorðnir; það eru trúlofanir, brúðkaup í vændum og lítil kríli hafa verið að koma í heiminn. Hildur og Árni eignuðust lítinn yndislega fallegan prins þann 30.sept og eru þau ótrúlega stolt af nýja fjölskyldumeðliminum, enda ástæða til.
Við stelpurnar (Jóhanna, Katrín, Sigrún, Þuríður litla, Birna og ég) skelltum okkur til London á dögunum. Við vorum svo heppnar að foreldrar Sigrúnar buðu okkur gistingu í nýju íbúðinni sinni í Kensington og áttum við þar fáeina skemmtilega daga. Þeim var eytt í verslunum og á kaffihúsum/veitingastöðum og einnig skelltum við okkur á mjög skemmtilega tónleika með Damien Rice. Kreditkortin komu rauðglóandi til baka og verða eflaust ekki notuð í einhvern tíma....
Guðni og ég fáum að halda íbúðinni okkar hérna á stúdentagörðunum fram á næsta sumar, og eins og vanalega eru allir velkomnir í kaffi á Eggertsgötuna. Við vorum einstaklega fegin að þurfa ekki að flytja. Næsta ár höldum við til S-Þýskalands, áfangastaður hefur ekki verið skotinn niður. Við höfum þegar sótt um námsstyrk frá þýska ríkinu, en umsóknum fyrir það þurfti að skila inn í byrjun hausts. Annars er nú fátt að frétta.
Guðni er ennþá að vinna hjá Almennu og ég eyði dögunum ýmist uppí skóla eða í kaffi hjá vinkonum mínum. Fáar okkar eru í fullu námi á þessari önn, sumar að klára, aðrar uppteknar með litlu börnunum sínum. Ég á örfáa haustkúrsa eftir, sem er tek núna og síðan tekur við fullt nám eftir jól. Svo er bara stefnan tekin á útskrift í júní á næsta ári. Ótrúlegt hvað tíminn líður hratt, mér finnst eins og ég hafi útskrifast úr Verzló bara um daginn.. 

Þegar veðrið er svona gott er eiginlega algjör óþarfi að vera að blogga eitthvað... nema það sé jafn lítið að gera í vinnunni og seinustu daga og vikur hjá mér. Það er alveg augljós að landinn er í sumarfríi og hefur enga þörf né áhuga að vera að versla verkfæri og festingar í stórum stíl. Gerir það að verkum að mér finnst ég sitja hérna í algjöru tilgangsleysi, nema til að svara símanum. Og ekki hringir hann mikið.
Annars hefur reyndar hellingur gerst síðan ég bloggaði seinast....
Við Guðni skelltum okkur til Þýskalands og Taílands, ásamt 35 öðrum úr HÍ, vorum í 25 daga og skemmtum okkur konunglega. Er eiginlega ekki í stuði til að skrifa ferðasögu að svo stöddu, en myndir má sjá hér.
Laugardaginn 07.07.'07 eignaðist Sigrún mín síðan litla prinsessu, sem er ótrúlega sæt og falleg og ég get ekki hætt að dást að henni. Litla skvísan ákvað bara að vera flott á því og koma á settum degi. Nú bíðum við bara öll spennt eftir litla prinsinum hennar Hildar, sem á að koma í byrjun október. Himmi og Salóme urðu einnig stoltir foreldrar í gær, eignuðust litla dömu og vil ég óska þeim alls hins besta. Myndir hef ég ekki séð, en efast sko ekki um að hún er algjört bjútí. :) Ótrúlega gaman að þessu öllu.
Jæja....vinna...

Þessi brandari gengur um í USA um íslenskar konur! ;) 
 
Three men were sitting together bragging about how they had given their new wives duties. 
 
The first man had married a Woman from Colorado and had told her that she was going to do the dishes and house cleaning. It took a couple days, but on the third day he came home to a clean house and dishes washed and put away. 
 
The second man had married a woman from Nebraska He had given his wife orders that she was to do all the cleaning, dishes, and the cooking. The first day he didn't see any results, but the next day he saw it was better. By the third day, he saw his house was clean, the dishes were done, and there was a huge dinner on the table. 
 
The third man had married a girl from Iceland . He told her that her duties were to keep the house cleaned, dishes washed, lawn mowed, laundry washed and hot meals on the table for every meal. He said the first day he didn't see anything, the second day he didn't see anything, but by the third day some of the swelling had gone down and he could see a little out of his left eye, enough to fix himself a bite to eat and load the dishwasher.

Er með nett æði fyrir James Morrison þessa dagana.

...af nýju skónum mínum!!!



Ég get svo ekki beðið eftir að fara á árshátíðina, í nýju ótrúlega flottu skónum. :D
Og ég fékk mér nýja klippingu. Og kjól. Tvo. Ó..ég hlakka til föstudags.

Hvernig stendur á því að ég enda alltaf með bækurnar mínar uppí sófa þegar ég er að læra?? Einstaklega furðulegt, sérstaklega þar sem það er ekkert betra að vera þar. Dótið liggur um allt og eiginlega glatað að skrifa. Síðan enda ég vanalega með að kveikja á sjónvarpinu líka, og þá fer lærdómurinn soldið í ruglið. Hvernig tókst mér að vera í 5 kúrsum með vinnunni í haust?? Þótt svo það hafi bara verið tveir mánuðir, þá er mér þetta ráðgáta. Nú er ég í þremur, og nenni fáu þegar ég kem heim. Nema að fara í ræktina.
Er að reyna að gera dæmi, sem átti að skila í dag. Í seinasta lagi. Eiginleg skil voru í seinustu viku. Á seinustu stundu, eins og vanalega. Helst þyrfti ég að klára fyrir tíu, þá næ ég Heroes á SkjáEinumPlús. Vitanlega bráðnauðsynlegt að sjá þann þátt.....eða þannig.
Gleðilegt ár annars..þótt það sé soldið seint til þess. Ég er meira að segja búin að eiga afmæli....þá hlýtur það að vera of seint. Ég átti samt ekki afmæli á Valentínusardaginn, sem vill vera algengur misskilningur. Fékk hina ýmsu fallegu hluti, meðal annars myndavél, sem ég var mjög ánægð með og hef síðan reynt að vera svaka dugleg að smella af. Og kallinn minn fór og keypti föt á mig, sem mér þykir gott afrek. Ég þori varla að kaupa föt á sjálfa mig, en svo tókst honum þetta bara svona líka vel.  Og ég fékk blóm á konudaginn. Þannig að hann er kominn með fullt hús stiga, reyndar vel það. Eintóm gleði hér á bænum.
Við færðum sófasettið okkar til í stofunni, svo að nú virkar hún miklu stærri. Af hverju okkur var ekki búið að detta það í hug skil ég ekki. Þannig að nú verða sem flestir að kíkja í kaffi og sjá hversu fínt er hjá okkur. Einnig til að ég hafi smá afsökun fyrir að gera ekki dæmi og skiptast á slúðri.

Kaffi
Piparkökur
Náttbuxur og lopasokkar
Yfirfullar möppur fyrir gagnapróf
Post-it miðar
Merkipennar
Ástarsamband við grafísku reiknivélina
Meira kaffi
0.7 blý-brot um öll gólf
Strokleður sem er að hrynja í sundur
Teknisk Ståbi
EUR-staðlar með álagsstuðlum
Sami itunes playlistinn í hundraðasta skiptið
Ennþá meira KAFFI...

Það eru aðeins 9 dagar í próflok!!!!

Klukkan er komin langt yfir háttitímann minn. Sit inní stofu með framkvæmdafræði fyrir framan mig og er búin að setja upp nördagleraugun (eins og þau eru víst kölluð núna). Framkvæmdafræði er ekki stuð, amk ekki ef nauðsynlegt er að læra hana eins og páfagaukur. Eitt af þeim fögum sem auðvelt ætti að vera að fá 9 í en ef ég þekki mig rétt mun ég pottþétt klúðra því.
Það er allt of mikið að gera hjá mér þessa dagana og ég fæ smá panick-attack þegar ég hugsa til þess að mér finnst ég ekki hafa nægilegan tíma til að læra nóg undir prófin. Eitt verkefni sem á eftir að skila, þá getur þetta hafist almennilega. Þann 21.des verður törnin þó sem betur fer búin. Ég held þó áfram að mæta í vinnuna, en miðað við hvernig þetta hefur verið seinustu vikur er það bara rólegheit.
Það er samt nákvæmlega ekkert spennandi að frétta héðan, eina ástæðan fyrir því að ég blogga er að ég er komin með ógeð á að glósa um verkefnastjórnun og skipulag verkefna.
Eins og alltaf í desember er maður alveg hættur að hitta fólk, fyrir utan þá sem maður rekst kannski á í skólanum. Ég er alveg farin að sakna skvísanna minna svaka mikið, alltof langt síðan að við höfum sest saman með rauðvín og osta. Það verður gert milli jóla og nýárs.
Annars var ég að skreyta heima hjá mér um helgina. Náði mér í aðventukrans og jólastjörnu. Svo fékk ég þessa líka fínu jólasveina gefins sem standa vörð um glasaskápinn núna. ;) Guðni náði síðan í helling af jólalögum fyrir mig sem eru vitanlega komin á ipodinn. Restin af jólaskrautinu er síðan inní skáp og bíður eftir jólatrénu. Það kemur bara eftir próf. Jólaföndur er nokkuð sem ekki er tími fyrir, þó ég hefði ekkert á móti því að dúlla mér við að gera jólakort fyrir alla sem ég þekki.
Jæja.....hef ekki mikið meira að skrifa um. Ætli það sé ekki bara komið að deildarstýrðu skipulagi aftur......

Jæja, þá er ég mætt til vinnu á Ísól á ný. Ein ritaraskvísan er að fara að skella sér í barneignarfrí og ég ákvað að koma öllum til bjargar og taka þetta bara að mér. Er hvort sem er ekki að fara að klára í vor, of margir vorkúrsar eftir til að það sé hægt. Skólinn fer þó ekkert á hold, kúrsum verður bara aðeins fækkað á næstu önn. Núna er ennþá allt á fullu, 5 vikur í próf og skýrslu-og verkefnaskil í fullum gangi. Svo eru fjáraflanir fyrir útskriftarferðina byrjaðar, meðal annars einkakennsla fyrir framhaldsskólanema. Auðvitað tók ég það LÍKA að mér, sé bara fram á að ég verði á haus fram til 21.des. Þá eru próflok og mun eflaust margt róast þegar kemur að þeim.
Reyndar er ég bara varla að trúa að BS-námið hérna heima sé svona eiginlega að verða búið. Þó ég verði fram til vorsins 2008 þá er aðalskemmtunin búin næsta vor. Þá útskrifast sumir og ég býst við að ég vinni bara alveg með náminu, enda ekki það mikið eftir að ég muni hafa nóg að gera bara í skólanum. Ég er alls ekki sammála fólki sem segir að menntaskólaárin séu þau bestu; mér þykja árin í háskólanum mun skemmtilegri. :)
Vinnan kallar..